#imaxinaenriso
Concurso de imaxe en Riso no Instagram da @facultadebelasartes
O noso equipo de risografía está traballando a tope sacando novas propostas para publicar. Queremos compartir co alumnado da facultade as múltiples posibilidades que a máquina de Riso pode ofrecer a través deste concurso no Instagram
Bases completas
Obxectivo
Dar a coñecer as posibilidades da risografía e ofrecer á comunidade universitaria a oportunidade de imprimir os seus proxectos na máquina riso da facultade.
Destinatarios
Alumnado de grao, mestrado ou doutoramento da Facultade de Belas Artes de Pontevedra
Requisitos técnicos
-Para todas as imaxes:
Imaxe Jpg que amose o resultado final da proposta
Empregar a carta de cores que aparece no Instagram de @erroresbien_editorial
(laranxa, amarelo, azul federal, azul ceo, verde, negro, vermello, rosa fluor)
-Requisitos que se solicitarán ás persoas gañadoras:
Documento Psd, AI ou similar separado por capas de cor
Formato máximo da imaxe 280×410 mm, resolución mínima 300 ppp
Forma de participación
-Seguir en Instagram a conta de @facultadebelasartes e @erroresbien_editorial
-Subir a imaxe en cada conta persoal de Instagram e etiquetar á @facultadebelasartes co cancelo #imaxinaenriso
-Todas as imaxes publicaranse no perfil da @facultadebelasartes, de xeito que aquelas dúas que teñan máis “likes” serán as gañadoras.
-Cada participante poderá presentar un máximo de dúas propostas
Premios
Haberá dous premios consistentes en dúas tiradas de 50 exemplares en A3 en risografía coas imaxes gañadoras
Prazo
Desde o 7 de decembro ao 24 de decembro de 2020 ás 23.59 horas