Mª Begoña Paz García

Breve CV

Licenciada en Belas Artes coa especialidade en Escultura pola Universidade de Vigo (1996). Doutora en Belas Artes pola Universidade de Vigo (2009). Desenvolve a súa labor docente nas facultades de Belas Artes e Ciencias da Educación e do Deporte nas áreas da mediación e transmisión da educación artística e didáctica da expresión plástica e visual. Coordina o itinerario de Artes no Mestrado de Educación Secundaria da Universidade de Vigo no que imparte a materia de investigación educativa e complementos do debuxo. Formadora de formadores/as profesorado na área da expresión plástica, educación patrimonial, mellora de bibliotecas escolares e en proxectos artísticos para en patios escolares integradores. No eido sociocultural traballou como directora artística en proxectos de intervención artística e humanización en contextos sociais e educativos e sanitarios así como no ámbito da educación non formal. Como creadora o seu traballo artístico vaga polo territorio fragmentado do ser errante, da identidade como forma biográfica esvaecida. Últimas exposicións: Afinidades selectivas 10. Arte e didáctica (2019), Proxecto táctil. Probas e textura (2018), Afinidades Selectivas. Aproximacións didácticas e propostas gráficas no proceso creativo (2017).