Lucía Romani Fernández

Breve CV

Doutora en Belas Artes pola UVigo (2012). Licenciada pola mesma universidade na especialidade de pintura (2004). Colabora como Profesora na UNIR e no Máster de Educación Secundaria da UVigo dirixindo traballos finais da man do Dpto. de Física Aplicada desta universidade, co interese de xerar proxectos transversais sobre arte, ciencia e tecnoloxía. Imparte cursos sobre didácticas creativas en diferentes centros de formación tanto públicos como privados aplicando cuestións vinculadas á psicoterapia como ferramenta de coñecemento a través da arte. Coordinou proxectos editoriais como Im-pulsos Creativos. Canles Alternativas de Creación Contemporánea (2919), e participou no libro N-550 da estrada á rúa (2012). Entre as últimas exposicións destacan Kaldarte, Caldas de Reis, Pontevedra (2020 e 2019), Land Art Lapinjärvi, Finlandia (2018), Voilá la femme, Ateneo Santa Cecilia, Marín (2017), Neste Momento: cinco por vinteoito, Fundación RAC, Pontevedra (2015), Eclecticidade: Un mar de libros, Verbum, Vigo (2015) e Neste Universo.; Centro de Memória Vila do Conde, Portugal (2014), entre outras. Recibiu as bolsas de Novos Valores. Deputación de Pontevedra (2007), Xavier Pousa. Fundación Mondariz-Balneario, Pontevedra (2005) e Fundación Rodríguez-Acosta, Granada (2004).