Andrea Costas Lago

Breve CV

Artista visual e mestra na escola de deseño Aula D. Desenvolve a súa labor creativa utilizando diversas linguaxes como instalación, vídeo ou performance, aínda que é mais coñecida polo seu traballo fotográfico. A súa persoal narrativa soe tratar temas tan cotiáns coma universais dende unha perspectiva emocinal e psicolóxica. As súas pezas foron mostradas en exposicións como A paisaxe e a súa pegada (Casa do Cabido, Santiago de Compostela, 2019); Alivio (Alterarte, Ourense, 2011); Mapas creativos. Novos nomes na arte galega (Galería Orígenes, A Habana, 2008); Marxes e mapas. A creación de xénero en Galicia (Auditorio de Galicia, Compostela, 2008); La jeune création photographique en Galicia (Toulousse, 2007); La buena vida (CGAC, Compostela, 2006); O Feito Fotográfico (MARCO, Vigo, 2004). Así mesmo, a súa obra foi premiada en certames como Novos Valores (2001), Injuve (2002), Artes Plásticas Ourense (2007). Aparte dos libros de fotografía Formas de Ser (CEF 2002) e Persoal e transferible (CEF 2006), tamén é co-autora xunto Yolanda Castaño do libro Cociñando ao pé da letra (Galaxia 2011).