Do 7 ao 17 de Xullo. Casa das Campás, Pontevedra.
Información xeral
Este curso busca afondar na realidade e características do ámbito artístico profesional dando a coñecer que son as boas prácticas, as dinámicas, estructuras e concepcións que marcan as relacións entre museos, artistas e público, o funcionamento do mercado, a importancia dos medios de comunicación e difusión e o papel dos espazos autoxestionados. Así mesmo, teremos a oportunidade de coñecer iniciativas e propostas levadas a cabo por colectivos, investigadoras, creadoras e axentes culturais galegas que exploran á intersección entre prácticas artísticas, participación cidadá e transformación social.
Obxectivos
- Fomentar a profesionalización na ámbito da arte e a cultura contemporáneas
- Analizar as características, problemáticas, ideas e estereotipos vencellados á actividade artística, integrando a perspectiva de xénero.
- Proporcionar os recursos prácticos, conceptuais e metodolóxicos necesarios para a realización de propostas e proxectos expositivos que cumpran coas boas prácticas e recoñezan os dereitos das/os artistas
- Afondar no funcionamento, distintos enfoques e dinámicas dos espazos de exhibición e promoción das artes
- Coñecer a experiencia e traxectoria de distintas artistas, investigadoras e axentes culturais
- Xerar un espazo propicio para o diálogo, a aprendizaxe e o intercambio
- Coñecer e realizar iniciativas, proxectos e propostas que promovan a sustentabilidade
O prazo de inscrición está aberto do 12 de maio ao 30 de xuño.