8 mulleres para o 8M: Saelia Aparicio

Saelia Aparicio. Prótesis para invertebrados, 2019
Saelia Aparicio. Prótesis para invertebrados, 2019

Continuando o noso percorrido polo proxecto “8 mulleres para o 8M”, o profesor Nono Bandera sinala a obra Prótesis para invertebrados (2019) de Saelia Aparicio.

O traballo de Saelia Aparicio (1982) móvese entre diferentes medios e disciplinas, convertindo o exercicio artístico nunha sorte de proceso de observación da cidade e os seus fenómenos, onde está presente unha conciencia medioambiental. As súas propostas abordan diversas experiencias e permiten rexistrar múltiples fórmulas de relación co mundo, configurando universos onde xorden cuestións identitarias da construcción social.

Saelia Aparicio. Prótesis para invertebrados, 2019 (vista de sala)
Saelia Aparicio. Prótesis para invertebrados, 2019 (vista de sala)

Prótesis para invertebrados (2019) foi unha instalación realizada ex profeso para a exposición Premio Generaciones 2019 na Casa Encendida de Madrid, coa que plantexou unha reflexión sobre a obsesión pola limpeza no mundo contemporáneo e os seus vínculos co corpo, a proxección da sociedade e o xénero feminino. Nono Bandera destaca esta peza porque “sintetiza todo o imaxinario que a artista foi despregado nos últimos anos da súa traxectoria artística. Esta obra examina as diferentes dimensións do absurdo, a realidade na que vivimos e as ficcións que esta xera, cuestionando os convencionalismos da sociedade actual, sempre cun humor moi particular cargado de tinguiduras retortas e abxectas”.