Programa Sócrates-Erasmus
Coordinadora na Facultade: Silvia García González

Sócrates é o programa de acción da UE para a cooperación no ámbito da educación. Foi aprobado o 14 de marzo de 1995. A segunda fase do programa desenvolverase desde o 1 de xaneiro de 2000 ata o 31 de decembro de 2006. Sócrates financia oito accións. A segunda delas é a denominada ERASMUS, dedicada ó ensino superior.

A selección de bolseiros realízase na propia Facultade por unha comisión nomeada ó efecto que valora os seguintes criterios: expediente académico, proxecto artístico que se vai realizar na universidade de destino e proba de idioma. Requírese estar matriculado no 2º ciclo no momento de gozar da bolsa.

A convocatoria para solicita-las bolsas Erasmus na Universidade de Vigo faise pública entre xaneiro e marzo de cada ano para disfrutar da bolsa durante o curso seguinte.

Prazas Erasmus ofertadas para estudiantes da Facultade:

A participación no programa Erasmus leva consigo unha bolsa destinada a sufraga-los gastos extraordinarios relacionados cos estudios no extranxeiro. A contía para os estudiantes españois fíxaa anualmente a Axencia Nacional Erasmus (Consello de Universiades). A título indicativo, durante o curso 2001-2002 esta cantidade era dun mínimo de 73 € por mes e dun máximo de 110 €. Ademais da bolsa Erasmus, a Universidade de Vigo concede unha axuda complementaria a tódolos Erasmus seleccionados. Consiste nunha axuda económica segundo o país de destino e nunha pequena axuda mensual. A dotación segundo o país de destino será de:

90 €: Portugal

300 €: Alemaña, Austria, Bélxica, Eslovaquia, Eslovenia, Francia, Grecia, Hungría, Italia, Irlanda, Países Baixos, Polonia, Reino Unido, República Checa e Romanía.

420 €: Dinamarca, Finlandia, Suecia e Noruega.

A Xunta de Galicia, pola súa banda, convoca anualmente unhas axudas complementarias. Estas axudas non se conceden a tódolos Erasmus, senón que se ten en conta o expediente académico e a renda.